AMEC şirkəti 15 mart, 2023-cü il tarixində Caspian Energy Club-un təşkil etdiyi Grand CEO Lunch tədbirində iştirak etdi. Clubun sədri Telman Əliyev tədbirin açılışında qonaqları salamlayaraq sponsorları təqdim etdi.
AMEC-in direktoru Rəşad Şəkərov tədbirdə çıxış edərək şirkətin yaranması, fəqliyyət istiqamətləri və ətraf mühitin qorunmasına dair iki layihə haqda məlumat verdi.
Eyni zamanda, çıxışında ekoloji tarazlığın qorunub saxlanması, təbii ehtiyatlardan səmərəli istifadə edilməsi, su, torpaq və atmosfer havasının çirklənməsinin azaldılması kimi problemlərə də toxundu. Həmçinin, AMEC şirkətinin qabaqcıl ölkələrin iş təcrübəsinə, eləcə də bu günədək əldə etdiyi nəzəri və praktiki iş təcrübəsinə əsaslanaraq bu problemlərin həllində böyük rol oynayacağını qeyd etdi.
Qeyd etmək istəyirik ki, 2014-cü ildən etibarən fəaliyyət göstərən AMEC bütün növ gəmi yoxlamaları, gəmi və dəniz mühəndisliyi, dəniz layihələrinin idarə olunması, layihələr üçün tələb olunan gəmilərin icarəsi və idarəçiliyi, gəmiçilik və dəniz sahəsində tikinti işləri üzrə bütün növ əməliyyatları həyata keçirir.